Бүгінгі таңда "ТЭМК" АҚ-ның екінші тынысы ашылды десек артық айтпаймыз. Көп жылдық тәжірибе озық технологиялармен үйлесімін тауып, бұл біздің өніміміздің жоғары бәсекеге қабілеттілігін қамтамасыз ете отырып, ең күрделі міндеттерді шешуге және жетекші салалық позицияларды сақтауға мүмкіндік береді. Бұл нәтижелерге зауыт қызметкерлерінің қажырлы еңбегінің нәтижесінде қол жеткізілді, олардың жұмысына әкімшілік көп көңіл бөледі.
"ТЭМК" АҚ кәсіпорын жұмыскерлеріне әлеуметтік қолдау көрсетеді - жедел емделуге материалдық көмек бөлінеді, сатып алу бағасы бойынша жеке үйлерді жылыту үшін көмір жеткізу, жұмыскерлерді қаладан жұмыс орнына дейін тегін жеткізу жүзеге асырылады.
Табысты және жемісті жұмысқа қол жеткізу үшін кәсіпорында жұмыс істейтіндер үшін салауатты және қауіпсіз еңбек жағдайлары жасалады. Әкімшілік еңбекті қорғау мәселелеріне көп көңіл бөледі, барлық жұмыс орындарын тиісті техникалық және санитарлық жабдықтармен қамтамасыз етеді және оларға еңбекті қорғау ережелеріне, санитарлық нормаларға, ережелерге және басқа да нормативтік құжаттарға сәйкес жұмыс жағдайларын жасайды.
Комбинат жұмыскерлері белгіленген нормалар бойынша арнайы аяқ киіммен және арнайы киіммен, сондай-ақ өндірістік қажеттілік кезінде қосымша жеке қорғаныс құралдарымен қамтамасыз етіледі.
Зиянды еңбек жағдайларында жұмыс істейтіндерге жұмыс күндері 0,5 литр сүт беріледі. Зауыт аумағында асхана жұмыс істейді, сондай-ақ өзіміздің медициналық пунктіміз бар, онда алғашқы медициналық көмек көрсетіледі.
Жыл сайын жалақыны инфляциялық индекстеуден өткіземіз.
Кәсіпорында кадрларды кәсіби даярлау және қайта даярлау жөніндегі бөлімше жақсы дамыған. Зауыт жұмыскерлері үнемі біліктіліктерін арттырып отырады. Кейбір мамандықтар бойынша өндірісте оқыту жүргізіледі.
Ынталандыру және әлеуметтік төлемдер туралы ережеде ерекше көзге түскен мамандарды көтермелеу қарастырылған. Қызметкерлерге жеке кәсіби жетістіктері үшін, сондай-ақ өндірістік жоспарды орындағандары үшін қосымша төлемдер төленеді.
Зауытта 25, 30 және 35 жыл жұмыс істеген барлық ардагерлерге куәліктер, алғыс хаттар, бағалы сыйлықтар, ақшалай төлемдер беріледі.
Өңірді дамыту және бізге бекітілген кенттер тұрғындарын әлеуметтік қолдау мақсатында компания Қарағанды облысының Абай қаласы, Южный кенті және Топар кентінде мерекелік іс-шараларды ұйымдастыруға қатысады.
Жыл сайын кәсіпорында Балаларды қорғау күніне және Жаңа жылға арналған конкурстар өткізіледі,онда компания қызметкерлерінің балаларына сыйлықтар беріледі. Жыл сайын Жаңа жылға қызметкерлердің барлық балалары сыйлықтар алады.
Отандық металлургия өнеркәсібін дамытуға қосқан үлесі үшін кәсіпорынның үздік қызметкерлері "Еңбек даңқы", "Еңбек ардагері", "Кенші даңқы"төс белгілерімен наградталған.
Болашақ ізбасарларымызға, оның ішінде алдымен комбинат жұмыскерлерінің балаларының денсаулығына қамқорлық жасауға үлкен мән беріледі. Самарқанд су қоймасының жағасында "Жас Алаш" балалар лагерінде жазғы маусымда 200-ден астам бала демалады. Демалыс жағдайын жақсарту үшін биылғы жылы оны жаңғырту мен абаттандыруды аяқтау жоспарлануда.
Комбинат жұмысшылары "Сары Ағаш" шипажай-профилакторийінде жыл бойы демалып, денсаулықтарын жақсарта алады.
"ТЭМК" АҚ ұжымы әлі де көптеген қызықты және ауқымды жобаларды жүзеге асыруға ұмтылады. Компанияның барлық міндеттерді сәтті орындайтынына және ең үздік жоспарларды жүзеге асыратынына сенімі мол!