"ТЭМК" АҚ бөлімшелерін құру және жобалау кезінде қоршаған ортаға әсер ету жөніндегі Қазақстан Республикасының стандарттары мен нормативтеріне сәйкес барлық талаптар ескерілген. Технологиялық процесті жетілдіруге көп көңіл бөле отырып, «ТЭМК» АҚ өндірістік қызметтен тигізілетін экологиялық тәуекелдерді қысқарту мәселелерін шешеді.
Өндіруші және өндірістік блоктардың кәсіпорындары үшін негізгі экологиялық мәселелер атмосфераға және қоршаған ортаға зиянды заттардың шығарындылары, жердің рекультивациясы, өндірістің жер асты суларына әсері және т.б. болып табылады.
Өндіруші блоктың кәсіпорындары үшін жобалардың өнеркәсіптік игеру сатысына өтуі кезінде өндірістердің қоршаған ортаға әсерін төмендету жөніндегі іс-шаралар әзірленеді. Жобаларды әзірлеу үшін мамандандырылған компаниялар тартылады.
Бүгінгі таңда «ТЭМК» АҚ қоршаған ортаны қорғау саласындағы қажетті жобалық және рұқсат беру құжаттамасымен толық қамтамасыз етілген.
ҚР Экологиялық кодексінің 13-тарауына сәйкес "ТЭМК" АҚ құрылымдық бөлімшелерінде операциялық мониторингтеуді, эмиссиялар мониторингін, әсер ету мониторингін қамтитын өндірістік экологиялық бақылау жүргізіледі.
Қоршаған ортаның өндірістік мониторингін жүргізуді бекітілген жоспар-кестелерге сәйкес "ТЭМК" АҚ аккредиттелген санитариялық зертханасы немесе Мемстандартта аттестаттаған техникалық құралдармен, жабдықтармен және өлшеу аспаптарымен сыртқы аккредиттелген экологиялық зертхана жүргізеді.
Жыл бойы ұйымдастырылған шығарындылар көздеріндегі мониторинг нәтижелері ластаушы заттардың нақты шығарындылары нормативтерден аспайтынын көрсетеді.
Мемлекет басшысының тапсырмасы бойынша Қазақстан Республикасы Экология, геология және табиғи ресурстар министрлігінің Экологиялық реттеу және бақылау комитеті "Қарағанды облысының экологиялық проблемаларын кешенді шешу жөніндегі 2020-2024 жылдарға арналған Жол картасын" әзірледі, оның шеңберінде "ТЭМК" АҚ Химия-металлургия зауыты шығарындыларының көздерінде нақты уақыт режимінде ластаушы заттар шығарындыларын мониторингтеу бойынша іс-шаралар енгізілді (31-т., 32-т.).
2022 жылы "ТЭМК "АҚ Химия-металлургия зауыты шығарындыларының көздеріне мониторингтің автоматтандырылған жүйесін кезең-кезеңімен енгізу" жобалық-сметалық құжаттамасы әзірленіп, ведомстводан тыс кешенді сараптамадан өтті.
Қазіргі уақытта шығарындылар көздеріне мониторингтің автоматтандырылған жүйесін енгізу жөніндегі іс-шараларды орындау үшін жабдықтарды жеткізу және орнату жөніндегі коммерциялық ұсыныстар қарастырылуда.
Кәсіпорында ҚР Экология, геология және табиғи ресурстар министрлігінде келісілген жоспарланған іс-шаралар орындалуда:
- шаң бөлу көздеріндегі шаң тұтқыш қондырғыларды ағымдағы жөндеу (ағып кету, транспортерлер, ұсатқыштар, конвейерлер, элеваторлар және өзге технологиялық жабдықтар)
- өнеркәсіптік алаңдарда шаңды басу бойынша жұмыстар (жазғы кезеңде суару)
- отын аппаратурасын жөндеу, ауыстыру, көлік құралдарының отынын жағу режимдерін жақсарту жүргізілуде
- өндіріс қалдықтарын кәдеге жарату жөніндегі жұмыстар.
Сондай-ақ кәсіпорынның аумағы мен санитариялық-қорғаныш аймағының санитариялық жай-күйін қолдау бойынша жұмыстар жүргізілуде. Цехтарға іргелес аумақты тазалау, өскіндерді шабу бойынша жұмыстар жүргізілуде.
2019 жылдан бастап ТЭМК АҚ жыл сайын Химия-металлургия зауытының аумағында, "Богач" карьерінде, Оңтүстік Топар флюстік әктас кен орнында және санитарлық-қорғау аймағында ағаш көшеттерін (қайың, күл үйеңкі, пирамидалық терек, емен, сары акация, сирень, шегіршін, долана) отырғызу жұмыстарын жүргізеді. Ағаш көшеттері отырғызылды:
- 2019ж. -188 бірл.
- 2020ж.- 100 бірл. (шырша, қайың, үйеңкі, емен, шегіршін), оның ішінде Теміртау қаласының 75-жылдығына орай Ескі қала саябағының аумағында 75 бірл.
- 2021ж. – 690 бірл.
2022ж. 700 бірлік ағаш отырғызу жоспарланды.
Қоршаған ортаны қорғау саласында ағарту және насихаттау жұмцыстарын жүргізу мақсатында кәсіпорын экологиялық оқытуды (мамандардың біліктілігін арттыру) және "Экологиялық курьер", "Қазақстанның экологиясы және өнеркәсібі" газеттеріне жазылуды жүргізеді.
«ТЭМК» АҚ жыл сайын келесі шараларға қатысады:
- мақсаты планетаның табиғаты мен ресурстарына жауапты көзқарас қажеттілігіне назар аудару болып табылатын "Жер сағаты" халықаралық экологиялық акциясына
- мақсаты экологиялық білім беруді насихаттау және одан әрі өңдеуді қамтамасыз ету үшін қоқысты бөлек жинау қажеттілігі туралы түсіндіру жұмыстарын жүргізу болып табылатын "Бірге Қазақстан" республикалық акциясына.
Жоғарыда айтылғандарды қорытындылай келе, "ТЭМК" АҚ өз мүмкіндіктерін ескере отырып, экономикалық және экологиялық көрсеткіштерді арттыра отырып, өз қызметіне қоршаған ортаға қамқорлық жасауды біртіндеп енгізетінін атап өткіміз келеді.